ایران رفرم چی لارینین بیر بولوگو جمهور باشقانلیک سئچگی لرینی اوتوزدوراندان سونرا جمهوریت چی لر و سئچگی لره قاتیلمایانلار قار شیسیندا مشروطه چی لیک تئزینی گوجلندیرمه گه چالیشیرلار. اکبر گنجی باشقالارینی آرتیق چالیشماغا و موقاویمته چاغیردیغی حالدا اونون ایشینی بیر اویون دوشونوب و دوشوندوکلرینین ساخلاماغینا و قورونماسینا جان آتیرلار.
اونلار هله ده فارس ایرانا اینانیب و یاخین تاریخی ده فارسلاشدیرماق ایسته ییرلر.شرق قزئته سی شنبه مرداد آیینین ۲۲ -سینده بو ایشی آرتیق آیدینلاتدی.بو گونون ساییسینین ایچینده مشروطه حرکتی اوزره ده اوزه ل بیر سایی وار.بو اوزه ل سایی یازدیغیمیز تئز ایچین تاریخسل بیر قایناق کیمی جانلانیر.
اوردا مشروطه حرکتی زمانیندان و کرچک دوروموندان آیریلیب و آبستره بیر حالدا آراشدیریلیر.تورکلرین مشروطه نین دوشونجه و حیاته گئچیریلمه سینده بویوک بیر روللاری اولدوقلاری حالدا هئچ تورکون رولو آراشدیریلماییر. ایرانین قومی ترکیبی نظره آلینماییر.تبریز و آذربایجان بوتونلوکله اونودولور.
"شرق"-ین بو ایشی دیقه ته آلینمالی بیر ایش و حوصله ایله دوشونولمه لی دیر.اما ایندی لیکده یالنیز بونو آرتیرمالییام کی بو ایشه تام بیر "بدیع بدعت" کیمی باخمالی ییق حتی ایرانین فارسچی ادبیاتی ایله ده اونو توتوشدوردوغوموز حالدا.